પૂજ્ય ગુરુભગવંતોને વહોરાવવાની વિધિ

♣ એવું કહેવાય છે કે ભાવ પૂર્વક ગોચરી વહોરાવવાથી આરાધનાનો છઠ્ઠો ભાગ મળે છે.

♣ જીરણ શેઠની જેમ ઉપાશ્રયમાં જઈને ગોચરી વહોરાવવી જોઈએ.

♣ નયસાર - ધન્ના સાર્થવાહ સુપાત્ર દાનથી જ સમ્યક્ત્વ પામ્યા હતા.

♣ દાન શ્રદ્ધાપૂર્વક, દાનની મહત્તા સમજીને,સ્વાર્થવૃત્તિ વગર આપવું. એથી પ્રકૃષ્ટ પુણ્ય બંધાય અને ઉત્કૃષ્ટ નિર્જરા થાય છે.

♣ ગોચરીના સમયે શ્રાવકના ઘર ખુલ્લા હોય, શ્રાવક વાટ જોતો હોય. કારણ સાધુ બેલ વગાડી નાં શકે, અને ઘર બતાવવા નોકર કે પુજારી નહિ ખુદ શ્રાવકોએ જવું જોઈએ.

♣ 'ધર્મલાભ' સંભળાય ત્યારે ઉભા થઈને વિનયપૂર્વક "પધારો......પધારો" બોલવું.

♣ પાટલા ઉપર થાળી મૂકી તેમાં મહરાજ સાહેબનું પાત્ર મુકાવવું. 

♣ ઘરના તમામ સભ્યોએ લાભ લેવો. સંસ્કાર પડે માટે નાના છોકરાઓ પણ વહોરાવે.

♣ મહરાજ સાહેબ પધારે ત્યારે લાઈટ-પંખો-ટી.વી.-ગેસ-રેડિયો બંધ-ચાલુ ના કરાય.

♣ ગોચરીના સમયે ટી.વી.-રેડિયો અવશ્ય બંધ રાખવા જોઈએ.

♣ કાચા પાણીથી હાથ ધોવા નહિ. નવા વાસણ-ચમચા બગાડવા નહિ. ઢોળાય નહિ તે રીતે વહોરાવવું.

♣ મેનુની જેમ બોલીએ તો મહરાજ સાહેબને માંગીને વહોરવું પડે, માટે વિનંતી કરીને વહોરાવતા જવું.

♣ ચંપલ પહેરીને વહોરાવવું અવિનય છે.

♣ કેળું અડધું જ વહોરાવવું. છાલ પૂરી ઉતારવી નહિ.

♣ રસોઈ બનાવતા પહેલા મહરાજ સાહેબને યાદ કરવા નહિ અને બનાવ્યાપછી  ભૂલવા નહિ.

♣ સ્પે. આધાકર્મી ગોચરી - મહરાજ સાહેબને ઉદ્દેશીને નિષ્કારણ બનાવવી નહિ. રસોઈ બનાવતી વખતે મહરાજ સાહેબને નજરમાં રાખીને વધુ ના બનાવાય.

♣ શાકભાજી, ફ્રુટ વગેરે વનસ્પતિ, કાચું પાણી, અગ્નિ વગેરેને અડીને વહોરાવાય નહિ.

♣ ગરમ દૂધ વગેરે ફુંક મારીને વહોરાવાય નહિ.