ઉવસગ્ગહરં

ખરેખર, જંગલમાં મંગલ સમાન આ તીર્થ મધ્યપ્રદેશમાં દુર્ગ શહેરથી લગભગ 5 કિ.મી.ના અંતરે આવેલું છે. આ તીર્થમાં કુવામાંથી નીકળેલી શ્યામ વર્ણની શ્રી પાર્શ્વનાથ પ્રભુની પ્રતિમા મૂળનાયક તરીકે પૂજાય છે. આ જિનાલયના પરિસરમાં કલ્યાણ મંદિર, નમિઉણ પાર્શ્વનાથ જિનાલય, અધિષ્ઠાયક દેવી-દેવતાઓના મંદિર, ભદ્રબાહુ તથા કેશી સ્વામી કે જેઓએ આ પ્રતિમાની પ્રાણ-પ્રતિષ્ઠા કરાવી હતી તેઓના મંદિર આવેલા છે. આ ઉપરાંત દાદાવાડી તથા મેરુપર્વતની રચના પણ દર્શનીય છે.